007: Si Jeopardina

Location: Gold’s Gym

Mabilis ang takbo ng aerobics class na sinalihan ni Erica. Wala silang ginawa buong magdamag kundi mag-run around the room, run the other way, run with a partner at run in place. At kahit naman ganun ka-simple ang class, nag-enjoy si Erica dahil sa cutie na aerobics instructor na si Walter. Mahilig kasi ang dalaga sa mga machobelles na guys, ngunit pagkatapos ng class nya ay mabilisang umalis si Walter papunta sa part-time job nito.

Lagi naman ganyan! Nagmamadali at ayaw makipag-chit chat ni Walter. Lahat nalang ng type ko ganyan, parang iniiwasan ako. Ang hirap naman kasing kumareer ng guys kapag super-rich katulad ni akish! Ba’t kaya…?”

Habang nag-she-shave ng legs sa shower room, biglang naisip ni Erika yung nakilala nyang si lola diwata. Totoo nga kaya ang sabi ni lola? Kung ganoon ka simple ang proseso, wala namang harm i-try diba?

Nilabas nya ang CD-R King na mp3 player at tinitigan ito.

Wish ko lang totoo ‘to. Baka naman pirated ang song at hindi mag-work ang sistema ni lola.”

Pumunta si Erika sa kanyang exclusive gym room. Pagkakandado nya sa kwarto ay tinitigan nya ng husto ang mp3 player. Excited si Erica na may halong kaba habang kanyang ino-on ito.

Umilaw!

Tumugtog ang intro-music!

Nag-blink!

Namatay.

I knew this player will fail! Low batt…. ” sambit ni Erika habang binubuksan ang kanyang laptop computer.

Ipinasok nya sa USB port ng kanyang umaandar na laptop ang mp3 player. Naghintay sya. Nagsimula ang tema ng Selecta Ice Cream….

Sa pagulit-ulit ng tugtog, nahilo si Erika. At sa salamin na kanyang tinitignan, unti-unti nyang nakita ang pagbabago sa kanyang anyo.

Para syang napunta sa Twilight Zone ng Twighlight Zone! Ang kanyang buhok na dati’y styled by James Kuper ay ngayo’y naging mahahabang tirintas. Imbis na yung dati nyang green-eyes na contact lenses ay nagkaroon sya ng bilog na salamin sa mata. At ang kanyang dating sleeveless na uniporme ay nagkaroon ng sleeves!

Oh my Almighty Supreme Force (god)! I have transformed into a very aesthetically challenged (ugly) person! I can’t believe it…. I was scammed by the senior citizen (old) lady!”

Habang nilalait ni Erika ang kanyang pisikal na itsura, di nya napapansin na unti-unting nagbabago ang kayang kapaligiran.

Mali ata ang song ni lola fairy! Bakit ako ganito magsalita? Parang ang dami kong alam. Nababaliw na ata ako…. Nasaan na nga pala si Edong-baby?”

Isinabit ni Erika ang mp3 player sa kanyang sinturon. Malungkot syang na huminga ng malalim at ipinikit ang kanyang mga mata. Hindi nya napansin na nawala ang higanteng salamin sa harap nya at nung sya’y dumilat, nagulat sya sa kanyang nakita. Isang malaking bundok ng basura!

***

Location: Payatas

Anong ginagawa ko dito sa economically oppressed zone na ito? Andito kaya si Edong?”

Tumayo sya at tumingin sa kanyang paligid. Di malayo sa kitatayuan nya ay may nakita syang dalawang tao. Isang bata na may kasamang lalaki na parang may hinihintay. Lumapit sya sa dalawa at kinalabit ang bata.

Excuse me, may hinahanap po akong kaibigan.”

Tumingin din ang lalaki sa kanya at sya’y nabigla.

*Regal Shocker sound effects*

(pa-bulong) Ang kanyang mga mata! Kilala ko ang titig na yan. Si Edong! Baka nakasalamuha nya rin si lola fairy at nagbago na rin ang anyo nya.”

Habang nag-re-recover sa shock si Erika, sumagot ang bata.

Ate, kami lang ang tao dito. Wala pong iba. Ako po si Lupita. Sya po si…”

Isa akong kaibigan.” ang sagot ni Edong.

At ako naman si … E…(play game-show theme) Jeopardina!” ang mabilis na sagot ng uber-talino na makabagong Erika.

Nag-usap ang tatlo at mabilis na nalaman ni Jeopardina ang pag-kidnap kay Jonas. Dahil sa sobrang gusto nya makasama si Edong, iprinisinta nya ang tulong nya.

Tahimik nilang hinintay ang trak na sakay ng Hukbo ng Gising na Nota.

***

Lumipas ang ilang segundo at narinig nila ang motor ng isang malaking sasakyan.

Anong gagawin natin?” sabi ni Lupita

Kakausapin ko lang sila, baka naman pwede idaan sa usapan.” ang mahinahon na sagot ni Edong.

Sasama ako.” sabay tayo ni Jeopardina

Nag-tangkang gumapit ang dalawa sa naka-park na trak. At habang papalapit ay nakita nila ang isang bata na nagbubuhat ng mga kahon mula sa loob ng trak papalabas sa mga malalaking lalaki.

Si Jonas….” ang pabulong na sabi ni Edong kay Jeopardina

Puntahan natin.” sagot ni Jeopardina

 

Biglang may malaking kamay na humawak sa balikat ni Jeopardina. Si Dragon W!

Sino kayo at anong ginagawa nyo dito?! Bawal ang ibang tao dito.” ang malakas na pahayag ni Dragon W

Nais namin sunduin ang aming kaibigan.” ang sabi ni Edong habang tinuturo ang batang nagbubuhat ng kahon.

Hindi maari! Nag-trespass sya dito kanina, at yan ang kanyang parusa– na pagsilbihan kami ng hanggang sa gusto namin! At yan din ang mangyayari sa inyong dalawa!” sinunggaban sila ni Dragon W

Sa gulat ni Edong biglang may umusbong na matataas na sunflower sa harap ng gulat na gulat din na Dragon W.

Anong ibig sabihin nito ?!?” galit na galit na sabi ni Dragon W habang sinisira ang bakod ng sunflowers.

 

Nakawala si Dragon W sa matataas na sunflower at inuna sugurin si Edong, dahil sa kaba ng ating bida, may mga sari-saring bulaklak na lumitaw sa dinadaanan ng galit na Dragon. At dahil gusto protektahan ni Jeopardina ang kanyang lovey-doods, sumigaw sya!

Tigil!” ang malakas na sigaw ni Jeopardina

Pasugod pa rin si Dragon W…. Humarang si Jeopardina sa harap ni Dragon W, itinaas ang kayang mga kamay at sumigaw ng pagigil!

HA!”

May enerhiyang lumabas sa bibig ni Jeopardina na tumama kay Dragon W. Lumutang sa ere si Dragon W at hindi maka-galaw. Sa likod nina Edong at Jeopardina, biglang nakita nilang papaalis na ang trak na sakay si Jonas. Hinabol ni Edong ang trak.

Saan nila dadalhin ang aming kaibigan? Ha!” Hindi mapigilan ni Jeopardina ang “Ha” na lumabas sa kanyang bibig.

Hindi ko alam! Ahhhhhhh (bzzt bzzt!!)!”nakuryente si Dragon W pagkatapos nyang magsinungaling.

(pa-isip) Dapat pala totoo ang sabihin nya para makalaya sya sa pagiging frozen meat.” ang sabi ni Jeopardina sa kanyang sarili.

Yung totoo, kundi, di ka makakalaya!

Hindi umimik ang Dragon.  Di napapansin ni Jeopardina ang unti-unting pag-nipis ng enerhiyang nakabalot sa kalaban.  Sa pagkakataong nahulog si Dragon W sa lupa, ito’y tumayo at kumaripas ng takbo.

(itutuloy)